Британскиот актер Том Харди, познат по улогите во филмовите „Веном“ и „Лудиот Макс: Патот на бесот“, откри дека веќе подолго време се справува со разни здравствени проблеми.

Имено, Харди призна дека речиси ја изгубил свеста пред интервјуто и ги откри бројните тешкотии со кои се бори.

Исто така сподели дека имал две операции на коленото, страда од дискус хернија во грбот и ишијас и додаде дека верува дека страда и од плантарен фасциитис.

„Сите мои проблеми се натрупаа. Се чувствувам како сè да се распаѓа и дека нема да биде подобро“, рече Харди. Тој исто така откри дека, доколку е потребно, ќе ја разгледа можноста за третман со матични клетки.

Дополнително, Том Харди претходно оваа година зборуваше за својата борба со зависноста од алкохол, со која се бори повеќе од 20 години. Тој се присети на драматичен момент кога, по пијана ноќ, се нашол во кревет во Лос Анџелес, во друштво на човек со пиштол и непозната мачка.

„Не се сеќавам на него ниту на мачката. Безбедносниот механизам на пиштолот беше исклучен – тоа беше најстрашниот момент во мојот живот“, рече актерот.

Том Харди е во брак со актерката Шарлот Рајли од 2014 година, а нивната љубовна приказна започна на снимањето на телевизиската адаптација на романот „Ормански височини“. Двојката се венчаше во тајност по пет години врска и имаат две деца, кои се обидуваат да ги држат подалеку од очите на јавноста.