Американската фудбалерка Тринити Родман, ќерка на контроверзниот кошаркар Денис Родман, проговори за комплицираниот однос со нејзиниот татко. Таа гостуваше во подкастот „Call Her Daddy“, каде откри досега непознати детали за нејзиното семејство и рече дека не го смета кошаркарот за нејзиниот татко.

„Тој е личност. Тој не е татко. Можеби сме крвно поврзани, но ништо друго“, признала Тринити.

Таа претходно избегнуваше да зборува за улогата на Родман во нејзиниот живот, но сега виде можност да зборува за тоа на „пореален начин“. Таа раскажа како нејзината мајка Мишел Мојер се обидела да остане во брак со Родман, но дека знаела дека тоа не е најдобрата опција кога станува збор за Тринити и нејзиниот брат Диџеј.

„Се обидовме да живееме со него, но тој имаше забави по цел ден. Носеше секакви жени. Мајка ми беше доволно силна да се справи со тоа затоа што, верувам до ден-денес, татко ми не сакаше никој друг освен мајка ми. Мислам дека мајка ми вака гледаше на ситуацијата: „Се сакаме. Нема да успееме. За моите деца, нема да дозволам да гледаат дека така се однесуваш со мене, како ме посрамотуваш и како се забавуваш цело време’“ изјави фудбалерката.

Родман и Мојер се венчаа во 2003 година, а таа поднесе барање за развод една година подоцна. Сепак, нивниот брак беше финализиран дури во 2012 година. Во тој период, тие се гледале со поранешниот кошаркар само неколку пати годишно.

Таа отворено зборуваше и за финансиските проблеми на кои наишле кога била помлада, а сето тоа затоа што Родман имал строга контрола кога била во прашање финансиската поддршка за неа и нејзиниот брат. Поради тоа извесно време живееле во автомобил со мајка им.

„Пред разводот, татко ми ни помагаше финансиски… Навистина ѝ даде пари на мајка ми и нè остави да поживееме малку. Но, откако се разведоа беше друга приказна. Едвај врзуваме крај со крај со киријата. Татко ми сака да има контрола, па нè носеше во шопинг, ни даде мобилни телефони… Но, јас и брат ми не сакавме да одиме на шопинг, само сакавме пари за да можеме да одиме во ресторан со нашите пријатели“, рече таа.

Исто така, семејството помина низ тешки времиња бидејќи неговата борба со зависноста беше исклучително јавна.

„Тој е алкохоличар. Тоа е нешто што не сакав да го кажам, но тоа е вистината“, истакна таа.

Додала дека е во контакт со нејзиниот татко, но дека треба уште многу да работат на врската. Таа рече дека одговарала на неговите повици поради нејзината „совест“.

„Ако нешто се случи, не дај Боже, сакам да знам дека го направив тоа. Или ако треба да го слушне мојот глас пред нешто да се случи. Затоа одговарам на повиците, а не за себе”, изјавила таа.