Тирана утре се подготвува да биде домаќин на американскиот државен секретар Антони Блинкен. Албански и американски знамиња се поставени на булеварот „Дешмори е Комбит“ каде што ќе минува Блинкен. Во меѓувреме, на фасадата на Политехничкиот факултет е поставен транспарент со високиот американски функционер, со натпис „Добре дојдовте господине Блинкен“. Во меѓувреме, зајакнати се безбедносните мерки за 8-часовниот период на посетатата на американскиот секретар кој во 2021 година го прогласи за нон грата поранешниот премиер Сали Бериша.

Портпаролот на американскиот Стејт департмент, Метју Милер, коментирајќи ја посетата на американскиот секретар, рече дека Албанија е клучен партнер за стабилност и напредок на Западен Балкан, како и силен глас за одбраната на Украина. На прес-конференција тој даде неколку детали за агендата на високиот американски функционер.

Во својата изјава Милер најавува дека посетата на Блинкен на Албанија е прва и ја потврдува силата на односите на САД со Албанија. Исто така, уште една точка што Милер ја цени е мандатот што го има Албанија во Советот за безбедност на ОН и како претседавач со ОБСЕ за 2020 година.

„Секретарот Блинкен утре ќе отпатува за Тирана, Албанија и Минхен, Германија. Ова ќе биде прво патување на секретарот во Албанија, а додека е таму, тој ќе ја потврди силата на односите на САД со Албанија. Албанија беше силен глас за поддршка на одбраната на Украина на нејзиниот суверенитет и слобода против бруталната агресија на Русија.

Албанија беше принципиелен лидер за време на нејзиниот мандат во Советот за безбедност на ОН и како претседавач со ОБСЕ за 2020 година и е клучен партнер за стабилност и напредок на Западен Балкан“, изјави портпаролот на Стејт департментот на САД, Метју Милер.

Во меѓувреме, заменик-помошникот државен секретар за европски и евроазиски прашања, Јури Ким, рече дека посетата на Блинкен на Албанија ќе се фокусира на „иднината на Албанија, иднината на Западен Балкан и на Европа“. Поранешнata албанскa амбасадорка Јури Ким изјави дека Блинкен ќе ја нагласи соработката на САД со Албанија.

Таа рече дека секретарот Блинкен ќе престојува во Албанија од 11 часот наутро до 19 до 20 часот навечер, а за време на посетата ќе има средби со претседателот Бајрам Бегај и со премиерот Еди Рама. Потоа се очекува настап пред медиумите со премиерот Рама. Поранешната амбасадорка Ким, исто така, рече дека Блинкен ќе се сретне и со група од околу 100 млади луѓе кои студирале во програми понудени од Соединетите држави како Фулбрајт и Меѓународната програма за лидерски посетители, IVLP.