Денеска, во 16:42 часот, на бројот за итни повици била примена пријава дека во реката Вардар во близина на селото Уланци кај Градско, потонале две девојки на возраст од 16 и 26 години, соопшти ЦУК.

Пријавата била поднесена од сестрата на 16-годишното девојче – која, во видно вознемирена состојба, побарала итна помош. Набргу потоа, се јавил и доктор од ИМП Велес, кој ја потврдил информацијата и побарал ангажирање на тимови за потрага и спасување на вода.

По приемот на пријавата, Центарот за управување со кризи веднаш ги известил надлежните институции – СИКС при МВР, Оперативниот центар на Генералштабот и Дирекцијата за заштита и спасување – со барање за итно ангажирање на тимови за потрага и спасување на вода.

Според последните информации од терен, на локацијата е присутна екипа на МВР со чамец, а 26-годишната девојка е пронајдена жива.

Потрагата по 16-годишното девојче продолжува.