ТикТок беше најсимнуваната апликација во светот во 2020 година, земајќи го првото место од Фејсбук Месинџер (Facebook Messenger), објави компанијата за дигитална аналитика App Annie, пренесува Хина.

-Кинеската платформа за споделување видеа е единствената апликација што не е во сопственост на Фејсбук, меѓу првите пет најсимнувани во светот. Сопственикот на Тик Ток, Бајт Денс мултинационална компанија за интернет технологија со седиште во Пекинг и во сопствената земја, го држи првото место со видео апликација на кинески Доуин, кинескиот колега на ТикТок , пренесува ББС.

Популарноста на ТикТок продолжи да расте особено откако поранешниот американски претседател Доналд Трамп се обиде да го забрани во САД. Од почетокот на истражувањето во 2018 година, водечките позиции ги имаа апликации во сопственост на Фејсбук, кои се уште доминираат во рангирањето. Апликациите на Цукерберг се рангирани меѓу првите пет, а покрај Месинџер на Фејсбук тука се и Вотсап и Инстаграм.

Минатата година, тогашниот американски претседател Доналд Трамп нареди забрана за нови преземања на „Тикток“ во САД. Администрацијата на Трамп тврдеше дека апликацијата претставува закана за националната безбедност бидејќи ги стави на располагање сите податоци за корисниците на кинеската влада. Овие обвинувања постојано беа отфрлани од страна на компанијата.