Зелените „миленичиња“ се меѓу најсигурните кога станува збор за подигање енергија во просторот, а одредени видови можат да донесат различни придобивки за домот: според практиката на фенг шуи (древна кинеска уметност која користи енергија за да создаде хармонија меѓу поединецот и неговата околина, како и техника за уредување на просторот за живеење)

Растенијата се познати како најсигурни исцелители на негативна енергија, а во домот и животот можат да донесат позитивна енергија, среќа, богатство и здравје.

Во продолжение ви претставуваме три растенија за кои се верува дека носат среќа и пари.

Среќен бамбус (Dracaena braunii)

Еден од најголемите носачи на среќа е среќниот бамбус. Внесува позитивна енергија во куќата, а најголем ефект има доколку го добиете на подарок. Ова растение во својата средина ги балансира природните елементи, водата, земјата, огнот и дрвото, ако му се верува на фенг шуи. Кинезите веруваат дека бројот на стеблата е многу важен. Два среќни бамбуси симболизираат љубов, а три среќни бамбуси, богатство и долговечност.

Што се однесува до одржувањето, ова растение обично се чува во вазна со вода која се менува секоја недела. Не сака директна сончева светлина и листовите често му пожолтуваат доколку го изложите на сонце. Се верува дека носи среќа дури и ако се исуши поради лошо одржување.

Дрво на пари (Pachira aquatica)

Пачира, попозната како дрвото на пари, е многу популарен избор за домашно растение. Се карактеризира со испреплетено стебло и бујна круна, а според фенг шуи се верува дека носи семејна хармонија, здравје, добар почеток на бизнис и успех на училиште. Исто така, за деловен успех потребно е да имате три или пет испреплетени стебла, а пожелно е да се избегне несреќниот број четири. Бањата, исто така, треба да се избегнува како локација за ова растение.

Дрвото на пари во домашни услови може да порасне и до два метри. Успева при силна, но не и директна светлина и е прилично лесен за одржување. Се полева со застоена вода, само кога почвата е сува на допир. Треба да се избегнува прекумерно наводнување, бидејќи ова растение е склоно кон гниење на корените. Неопходно е да се чува во пролетната и летната сезона, како и редовно да се средуваат жолтите листови.

Красула (Crassula ovata)

Ова интересно растение се нарекува красула или пареса. Се верува дека носи изобилство на богатство и позитивна енергија. Во фенг шуи, тоа е растение на пријателство, среќа и пари. Азијците го препознаваат како растение кое ги активира енергетските полиња на финансиите, но исто така не е препорачливо да го чувате во бањата, како и во спалната соба.

Потекнува од југот на африканскиот континент, а може да достигне висина од два и пол метри. Листовите го класифицираат во семејството на сукуленти, па затоа е многу лесен за одгледување и одржување. Красула сака сончева светлина, но ако почне да покажува црвени дамки, тоа значи дека изложувањето на сонце е претерано. Кафеавата боја на листовите е показател за прекумерна влага. Најдобро е да се пресадува на секои три до пет години.