Тениските фанови во Соединетите Американски Држави долго време чекаат да видат еден од нивните играчи како крева трофеј на грен-слем турнир. Последен беше Андре Агаси, во 2003 година на Австралија опен.

Запрашан од новинарите кога Американец ќе триумфира на некој грен-слем, американскиот тенисер Френсис Тиафо го даде истото објаснување кое го даваат многумина други тенисери од други националности.

– Да, тоа прашање се поставува многу често. Но не мислам дека тоа е поврзано со националноста. Мислам дека тоа е прашање на Новак, Рафа, Федерер. Мислам дека тие се голем проблем за сите. Некој од нас ќе стигне до полуфинале, финале, а можеби и ќе победи следните неколку години. Зошто да не? – изјави Американецот.

Френсис Тиафо во моментов е на 27. место на АТП ранг-листата.