Во третиот натпревар од финалната серија од Првата македонска кошаркарска лига екипата на ТФТ славеше со резутат 63:58 против актуелниот шампион МЗТ Скопје Аеродром.

Играчите на ТФТ намалија на 2:1 во финалето против МЗТ во борбата за шампионската титула во првенството.

Одлично прво полувреме на ТФТ и водство од 42:23 на полувремето. Следуваше голем „камбек“ на шампионот во третиот период, во кој ја анулира негативата и стигна до нерешени 52:52.

И максимално неизвесна последна четвртина во која поснаодлива беше домашната екипа, за голема победа, и обезбедување на барем уште еден натпревар, за неколку вечери, на истото место, во СРЦ „Кале“.

За ТФТ Браун беше најефикасен со 20 поени (осум скокови, пет асистенции), а на спротивната страна Едвин реализираше 19 поени (девет скокови).