Американскиот интернационалец Џастин Гордон е првото засилување во редовите на кошаркарскиот клуб на ТФТ со потпишан договор на една година.

Гордон, кој ги покрива позициите три и четири, пристигнува со богато искуство од 10 различни земји.

Настапуваше во Аргентина, Австралија, Германија, Велика Британија, Шведска и уште неколку европски лиги.

Во дресот на словачката Нитра минатата сезона бележеше просек од 14.2 поени и 5.2 скокови по натпревар.

Воедно, ТФТ веќе сериозно се подготвува за враќањето во AБA 2 лигата, со поглед и кон уште едно меѓународно натпреварување.