Се ближи почетокот на новата сезона во македонскиот кошаркарски шампионат, а екипите ја темпираат формата со одигрување на контрролни мечеви.

Денеска во СРЦ „Кале“ во Скопје се сретнаа тимовите на ТФТ и Чаир, но истиот не го доживеа својот крај поради тепачка во која учествуваа играчот на клубот од Тафталиџе Едис Нури и навивачи на Чаир.

Пред крајот на натпреварот, навивачите на Чаир бурно реагираа сметајќи дека еден од кошаркарите на ТФТ прегрубо фаулирал, по што дојде до голем инцидент.

Реагираа гостинските навивачи, а потоа и домашниот тим, по што дојде до тепачка на трибините.

После дискусија на двахцата тренери Боро Смилковски и Ерхан Рамадан, гостинските фанови почнаа да му довикуваат на Смилковски кој се обидуваше да ја смири ситуацијата, а потоа се вмеша Нури кој влезе во физичка пресметка со навивачите на Чаир. Беа разменети удари, а потоа се смири ситуацијата.