Изборното собрание на португалскиот гигант Бенфика заврши со хаос откако дел од присутните влегоа во физичка пресметка.

Во саботата беа закажани две собранија – првото посветено на финансиските извештаи од минатата сезона, а второто за изборните правила и идното раководство. Додека првото помина без проблеми, второто собрание излезе од контрола во моментот кога на сцената почнаа да излегуваат потенцијалните кандидати за претседател.

Повеќемина од нив остро го критикуваа актуелниот прв човек на клубот, Руи Коста, кој од 2021 година ја води Бенфика. Поранешниот репрезентативец е под силен притисок поради слабиот учинок – клубот во последните пет сезони има освоено само една титула во Примеира Лигата, а довербата кај навивачите е значително нарушена.

Тензичната атмосфера кулминираше за време на говорот на Луис Филипе Виеира, кога дел од присутните се судрија физички, по што состанокот беше прекинат.