Според последните информации на шпанските медиуми тензична била атмосферата на еден од последните тренинзи на Реал Мадрид, а во центарот на вниманието биле Антонио Рудигер и Винисиус Жуниор.

Сѐ започнало по еден груб старт на германскиот дефанзивец врз Бразилецот, по што следела размена на тешки зборови и физичко туркање меѓу двајцата. Тренерот Чаби Алонсо веднаш реагирал и без двоумење го отстранил Рудигер од тренингот.

„Довидуваање“, наводно бил единствениот коментар на Алонсо, кој му покажал на искусниот стопер каде е патот до соблекувалната, оставајќи го без право на натамошно учество во тренингот.

Рудигер подоцна морал да се извини на соиграчите, но според извори блиски до тимот, многумина биле изненадени од одлучноста на Алонсо, бидејќи досега ретко се случувало некоја од главните ѕвезди да биде казнета на таков начин.

Целата ситуација добива дополнителна тежина ако се земе предвид дека клубот, како што се шпекулира, нема намера да го продолжи договорот со Рудигер, кој истекува во 2026 година. Реал работи на голема реконструкција на тимот, а во последната линија предност имаат Дин Хујсен и Едер Милитао, кој се врати по тешка повреда.

„Кралевите“ во следното коло од Ла Лига ќе гостуваат кај Реал Сосиедад во сабота, а по првите три кола имаат максимален учинок со три победи.