Тејлор Свифт во нејзината нова песна „Елизабет Тејлор“, ја раскажува приказната од перспектива на покојната актерска икона, споредувајќи го нејзиниот живот со сопствениот. 35-годишната пејачка се чини дека повлекува паралели помеѓу својот живот во центарот на вниманието и животот на познатата актерка, чиј живот беше под микроскоп, пишува „Џаст Џеред“ (Just Jared).

Елизабет Тејлор, која почина во 2011 година на 79-годишна возраст по борба со срцева слабост, беше двократна добитничка на Оскар. Нејзиниот љубовен живот беше исклучително бурен. Се мажеше осум пати за седум различни мажи.

Песната се чини дека е одраз на славата и животот на Тејлор, а текстот гласи: „Елизабет Тејлор, кажи ми искрено: Дали мислиш дека е засекогаш? Секогаш бев една, никогаш не бевме две. И не можам да се забавувам ако не можам да те имам. Биди мојот Њујорк кога Холивуд ме мрази.“ Во песната се споменуваат и нејзините омилени места, „Плаза Атене“ (Plaza Athénée) во Париз и „Мусо и Франк“ (Musso & Frank’s) во Лос Анџелес.

Поранешен асистент на Елизабет Тејлор неодамна рече дека верува оти иконата би „ја обожавала Тејлор“. „Мислам дека би ја обожавала Тејлор Свифт“, рече тој. „Верувам дека можеле да бидат пријателки“. За новата песна додаде: „Не можеме да бидеме повозбудени. Ова е огромна почит кон Елизабет и не можеме да побараме ништо подобро за да го привлечеме нејзиното наследство кон вниманието на помладата генерација“.