Италијанскиот тенисер Јаник Синер се пласираше во финалето на САД опен, откако во полуфиналната фаза го совлада Британецот Џек Дрејпер со резултат 7:5, 7:6 (7:3), 6:2. Мечот траеше три часа и четири минути.

Синер е тенисер број еден во светот, додека Дрејпер е 25 на АТП листата. Во првиот сет, Синер направи брејк во седмиот гем, Дрејпер возврати во следниот.

Италијанскиот тенисер сепак го освои првиот сет откако повторно му го одзеде сервисот на својот ривал во 11 гем. Двајцата тенисери го задржаа својот сервис во вториот сет, Синер беше подобар во тај-брејкот со резултат 7:3.

Италијанскиот тенисер направи два брејка во третиот сет и со тоа се пласираше во своето прво финале на УС Опен.

Во финалето Синер ќе игра против Американецот Тејлор Фриц, кој го совлада сонародникот Френсис Тиафо со резултат 4:6, 7:5, 4:6, 6:4, 6:1.

Фриц е 12 тенисер во светот, и со пласманот во финалето на САД опен го постигна најголемиот успех на Грен слем турнирите. Финалето помеѓу Фриц и Синер е закажано за в недела.