Пејачката Сања Лефкова денес има повод за славење, нејзиниот син Никола, слави именден. Лефкова која јавност ја запозна по музичкото шоу „Плеј потрага по ѕвезди“, со емотивна порака му го честиташе именденот на својот син на социјалните мрежи.

-Да си ни жив и здрав Никола. Вечно име и Свети Никола да ми те чува и штити од лошо. Те сакаме најмногу душо наша – напиша Сања.

Позната по хитот „Лијат години“, како и „Ми требаш“, „Пауза па плеј“, „Животот е твој“, „Отров и лек“,“ Заборави ме“… Сања која е родена во Кочани, а долго време живееше во Скопје поради работни обврски и студиите, се пресели во Дортмунд Германија заедно со семејството пред повеќе од 8 години, каде работи како професор по музика.

Од бракот со Мики Христов од Скопје, има две деца деветгодишниот Никола и шестгодишниот Лукас.