Фантастичен старт во новата сезона во ТЦР Европа има македонскиот возач Виктор Давидовски, информираат од „ПСС Рејсинг Тим“.

На денешната прва трка на патеката „Аутодромо до Алгарве“ во Португалија Давидовски освои 24 бодови и четири бодови од квалификациите одржани во претпладневните часови.

Со вкупно 28 бодови нашиот „дајмонд“ шампиони се позиционираше на петтото место во генералниот пласман.

На првото место се наоѓа Французинот Жон Филипи со 45 поени, пред Белгиецот Кобе Повел, трет е Том Коронел од Холандија (40), а на четвртата позиција Душан Борковиќ од Србија со 30 поени.

Втората трка ќе се вози в недела од 11.30 часот по локално време и ќе биде пренесува во живо на tcr-series.tv