Интернационалецот од Сенегал, Фабрис Тамба со неговиот гол во 64 минута за Шкендија го однесе реваншот од плејофот во Лигата на Европа против Лудогорец во продолжение.

Тамба имаше одлична шанса и во 88 минута да го израмни резултатот и потенцијално ги доведе тетовските „црвено-црни“ поблиску до влез во ЛЕ, но за жал топката за малку помина покрај стативата, иако сите скоро помислија дека домашната мрежа е затресена.

Бугарската екипа во продолженијата успеа да постигне два гола и се пласираше во второто по квалитет европско клупско натпреварување, а македонскиот првак ќе продолжи во Конференциската лига која ја обезбеди по триумфот на ФЦСБ од Романија во второто квалификациско коло на Лигата на шампионите.

– Многу сме разочарани, бидејќи сакавме да одиме во Лигата на Европа. Конференциската лига е нешто големо, тоа е историја, прв пат за клубот. Секој знае колку се големи амбициите на овој клуб, 100% сакавме да одиме во Лигата на Европа, но сега сме во Конференциската лига. Како што реков, многу сме разочарани, бидејќи дадовме сè, се боревме до крај. Секако дека имав шанса, можеби ќе се квалификувавме ако го постигнев тој гол. Но, сега сè е завршено. Не отидовме во Лигата на Европа, во ред е, сега се обидуваме да одиме што е можно подалеку во Лигата на Конференциите, тоа е целта – рече Тамба по натпреварот во Разград.

Напаѓачот Тамба воедно упатува благодарност до верните навивачи на клубот, „Балистите“ кои беа присутни и на стадионот во Разград и ја дадоа потребната поддршка.

Како што стои во најавата на Европската фудбалска куќа (УЕФА), жрепката за Конференциската лига ќе се одржи денеска од 13.00 часот.