Во 15 коло од португалското ракометно првенство екипата на Бенфика на домашен терен со 38:34 славеше против Спортинг.

После првото полувреме гостите водеа со 16:14, но во вториот дел домаќините направија пресврт и дојдоа до 12. победа оваа сезона.

Во триумфот придонесе македонскиот интернационалец Филип Талески со три погодоци.

На табелата води Спортинг со 43 бодови, колку и второпласираниот Порто, додека Бенфика е на третата позиција со 39.

Во следното коло на 11 декември Бенфика ќе гостува кај последнопласираната Хорта.