Седум месеци по првата борба, украинскиот боксер Олександр Усик повторно го победи Тајсон Фјури со едногласна одлука на судиите во голем реванш и на тој начин ги одбрани титулите.

Борбата одржана во Ријад не ги исполни баш големите очекувања, а по 12 рунди судиите немаа дилема.

Фјури очигледно не беше задоволен од судиската одлука, после борбата го изрази своето незадоволство.

– Се колнам во Бога, мислам дека победив во најмалку три рунди. Усик доби мал божиќен подарок од судиите. Бев убеден дека победив. Така беше и на првиот меч. Во тоа ќе верувам додека не умрам. Кога си предизвикувач и не паѓаш до нокаут, тогаш ова се случува. Не ви е гарантирано да победите – изјави Фјури.

На Британецот му беше поставено незгодно прашање дали го почувствувал духот на Усик за време на борбата.

– Не почувствував никаков дух, освен божиќниот за кој зборував – рече Фјури.

Усик повторно можеше да ја прослави победата, а по борбата во рингот влезе Данијел Дубоа, привремениот сопственик на појасот на ИБФ и го предизвика на меч.