Меланија Трамп повторно е во центарот на светското внимание, но и во нашиот регион. Словенката која наскоро по вторпат ќе стане американска прва дама, може да се пофали со совршен изглед на 54 години.

Иако Меланија најмногу се држи настрана од медиумското внимание, таа сепак низ сите овие години откриваше како ја одржува фигурата и младешкиот изглед, пишува „Експрес“.

Висока е 180 сантиметри и тешка само 62 килограми, што јасно покажува дека има тајна во нејзината исхрана, но познато е дека Меланија никогаш немала радикални промени во својот изглед и е голем поддржувач на здрав начин на живот. Пред сè – таа одржува урамнотежена исхрана во која доминираат овошјето и зеленчукот, па таа јаде седум видови овошје секој ден.

Кога патува во странство, како и нејзиниот сопруг, Меланија не е склона да го менува вообичаеното мени, па и двајцата се држат до она што го јадат кога се дома – салата или, на пример, бифтек.

Денот на Меланија започнува рано, таа се буди околу 5 и 30 часот, па ова и овозможува да ги заврши сите утрински задачи и ѝ дава доволно енергија да го помине денот. Откако ќе ги заврши обврските, се посветува на лесни вежби. Таа го одржува своето тело во врвна форма со домашен тренинг кој се состои од тегови на глуждовите, пилатес и вежби со мала тежина. И, повеќе сака да вежба во удобноста на својот дом.

Сепак, одвреме-навреме знае да се почести со чоколадо, сладолед или диетална кока-кола. Покрај вежбањето, таа е строга и кога е шминкањето во прашање. Нејзината целосна рутина за убавина на лицето трае еден час и 15 минути со помош на нејзиниот тим. Таа е против козметичките процедури како ботокс, го лимитира времето поминато на сонце и користи хидратантни кремови и тоници со витамин Ц за да го одржи сјајот на кожата.

ВИДЕО | Словенечка реклама од 1993 година, во која Меланија Трамп глуми претседателка, стана вирална