Лорен Санчез, свршеницата на милијардерот Џеф Безос, зборуваше за нејзиното претстојно патување во вселената.

„Во нашата куќа ја користиме изреката „животот започнува од другата страна на стравот“. Верувајте, и јас се плашам, не ми е сеедно“, признал Санчез во интервју за магазинот „Ел“.

Санчез е една од вкупно шесте жени кои ќе летаат во вселената на 14 април. Покрај неа, во мисијата учествуваат и новинарката Гејл Кинг, пејачката Кети Пери, ракетниот научник Ајша Боу, биоастронаутот Аманда Нгуен и филмската продуцентка Керијан Флин.

Претходно во видеото објавено на социјалните мрежи, Санчез рече дека се надева дека мисијата ќе ги инспирира луѓето да имаат „големи соништа“.

„Ако некој ми кажеше дека еден ден ќе можам да одам во вселената, ќе се насмеев“, рече таа.

Мисијата ја води компанијата на Безос, „Блу Ориџин“ (Blue Origin), а ова ќе биде првпат женски екипаж да лета во вселената. Според информациите, патувањето треба да трае 11 минути. Откако ќе стигнат до нивната дестинација, членовите на екипажот ќе можат да лебдат околу ракетата неколку минути пред да се вратат на Земјата. Ова ќе биде 11-ти човечки лет до работ на вселената на програмата „Њу Шепард“ (New Shepard).

Медиумите неодамна објавија за венчавка на Санчез и Безос, која ќе се одржи во јуни, а според гласините, парот би можел да биде домаќин на церемонијата на јахта од 500 милиони долари, која е закотвена во венецијанската лагуна. Се верува дека Санчез избрала гламурозната тоалета на Оскар де ла Рента со помош на главната уредничка на „Вог“, Ана Винтур.

„ТМЗ“ претходно откри делумна листа на гости. Поканети беа само најпознатите од светот на (шоу) бизнисот, меѓу кои Ева Лонгорија, Кети Пери, Орландо Блум, Опра Винфри, Гејл Кинг, Крис Џенер, Ким Кардашијан. На листата се и Иванка Трамп и Џаред Кушнер, како и Карли Клос и нејзиниот сопруг Џошуа Кушнер. Меѓу среќните гости се Бери Дилер и Дајан фон Фурстенберг, филмскиот продуцент Брајан Грејзер и манекенките Брукс Надер и Камила Мороне.