Свитолина: Ќерка ми и војната ме направија поинаква личност
Полуфиналистката на највредниот тениски турнир Вимблдон раскажува како изменетите приоритети придонеле за нејзиниот успех во Лондон
Последен пат Елина Свитолина беше во полуфинале на грен-слем турнир во 2019 година, а тогаш Украинката размислуваше за трофеи, пари и слава. Сега таа игра од поважни причини, нејзината ќерка Скај, која се роди во октомври и за Украина, која беше нападната од Русија во февруари 2022 година.
Препорачано
Свитолина е убедена дека овие клучни моменти влијаат на начинот на кој таа ја удира топката на теренот. Таа е во полуфиналето на Вимблдон откако ја совлада најдобрата тениерка на светот Ига Швјонтек со 7-5, 6-7, 6-2.
Во полуфиналето во четврток таа ќе игра со Маркета Вондрушова.
– Војната ме направи посилна. Ментално, веќе не ги сфаќам тешките ситуации како катастрофа. Има и полоши работи во животот. Сега сум посмирена – вели 28-годишната Свитолина.
Taa беше број 4 во светот, но моментно е под 76. место во рангирањето на ВТА.
– Секако дека сакам да победувам, ја имам таа мотивација. Но, мислам дека тоа што имам дете и војната ме направија друга личност. Поинаку гледам на работите – изјави Украинката.
