Холанѓанката Сифан Хасан и легендарниот Британец, Мо Фарах, поставија нови светски рекорди на еден час на митингот од Дијамантската лига во Брисел.

Хасан за еден час истрча 18 километри и 930 метри, што е за 413 метри подобро од досегашниот рекорд на Етиопјанката Дира Туна од 2008 година.

Мо Фарах се до последните секунди водеше жестока битка со Белгиецот Абди Башир, а за еден час претрча 21 километар и 33 метри и за 45 метри го поправи светскиот рекорд кој 13 години беше во сопственост на Хаиле Гебресиласие.