Џеф Безос и Лорен Санчез по венчавката одлучија го поминат медениот месец крстарејќи по хрватскиот брег.

Јахтата „Кору“, долга 127 метри и вредна 500 милиони долари, во сопственост на најбогатиот човек во светот, Џеф Безос кој е „тежок“ 237 милијарди долари, е закотвена пред Цавтат. Но, очигледно нема да остане таму долго бидејќи следната дестинација е Грција, пренесува „Јутањи лист“.

Џеф и Лорен Санчез не беа видени во Цавтат утрово, како што рекоа локалните жители, но можеби ќе дојдат во ресторан на вечера.

Џеф Безос и новинарката Лорен Санчез решија да го поминат медениот месец крстарејќи по хрватскиот брег по нивната свадба во Венеција на 27 јуни: Тие поминаа доста време на јахтата „Кору“ дури и пред да го кажат судбоносното „Да“ во најромантичниот град во светот.

Тие се познати како големи љубители на Јадранот. Веќе ги посетија Хвар и Млет, а беа и во Дубровник во 2023 година.