Ракопис со пресметки направени од Алберт Ајнштајн на кои тој се обидувал да ја формулира својата теорија на релативност е продаден на аукција за 11,6 милиони евра (9,7 милиони фунти, 13 милиони долари).

Продажбата во аукциската куќа Кристи во Париз го собори рекордот за научен документ со автограм – тоа е еден од само двата труда што ја прикажуваат работата на теоретскиот физичар на неговиот голем научен пробив.

Теоријата, објавена во 1915 година, го трансформираше разбирањето на човештвото за просторот, времето и гравитацијата.

Ракописот со пресметките бил напишан помеѓу 1913 и 1914 година од Ајнштајн и неговиот швајцарски колега Микеле Бесо, кои го задржале документот.

Аукциската куќа Кристи го пофали Бесо за неговото напредно размислување за спасувањето на ракописот.

„Ајнштајн е некој кој чувал многу малку белешки, така што самиот факт дека ракописот преживеал и стигнал до нас веќе го прави извонреден“, рече Винсент Белој, експерт во аукциската куќа.

 

View this post on Instagram

 

A post shared by Albert Einstein (@alberteinstein)

Трудовите содржат пресметки со црно пенкало и според г-дин Белој, покажуваат голем број грешки во патувањето за формулирање на теоријата. Кристи рече дека продажбата „привлекла колекционери од целиот свет кои ја препознале важноста на документот“.

Сепак, купувачот на хартијата од 54 страници не е јавно откриен.

 

View this post on Instagram

 

A post shared by Christie’s Paris (@christiesparis)

Ајнштајновата теорија на релативноста фрли светлина врз раѓањето на универзумот, планетарните орбити и црните дупки.

Минатиот мај, писмото напишано од Ајнштајн, кое ја содржи најпознатата равенка на теоријата, „E = mc²“, беше продадено за повеќе од 1,2 милиони долари (897.000 фунти).