Судскиот совет остро се спротивставува на користењето на судството за дневно политичка кампања, реагира највисокото судско тело по изјавите на премиерот Христијан Мицкоски кој најави серијал за работата и обвинителите и речиси секој ден зборува дека е против зголемување на платите на судиите и обвинителите.

– Судиите се самостојни и независни во донесување на одлуките и секое коментирање однадвор се смета за упад во судството. Судиите и покрај тоа што работат со ограничени човечки и финансиски ресурси даваат максимални напори за брза и ефикасна правда. Секој кој има сериозни индиции и докази за криминално и коруптивно однесување во судството должен е веднаш да пријави до Судскиот совет и други надлежни органи, затоа што непријавувањето на истите претставува сериозно кривично дело. Судскиот совет на Република Северна Македонија како самостоен и независен орган на судската власт во иднина нема да се вклучува во коментирање на било какви политички изјави, а секогаш ќе реагира во насока за заштита на законитоста и независноста на судството – се вели во соопштението.