Претходниот совет на Вишиот суд во Нови Сад ја отфрли жалбата поднесена од адвокатот на притворениот студент Богдан Јовичиќ за продолжување на неговиот притвор, објави Вишиот суд во Нови Сад, пренесува РСЕ.

Како што е наведено во соопштението, жалбата е оценета како неоснована.

„Според ставот на советот, а спротивно на жалбата на адвокатот на одбраната, судијата на претходната постапка правилно ги утврди сите факти што беа релевантни при донесувањето на одлуката за продолжување на притворот и правилно утврди дека постојат посебни околности што укажуваат дека осомничениот, доколку биде ослободен, може да го повтори кривичното дело во краток временски период, како и околности што укажуваат на постоење на јавни немири што би можеле да го загрозат непреченото и фер водење на кривичната постапка“, пишува во соопштението.

Во образложението се наведува дека ставот на Судскиот совет е дека „во овој конкретен случај, притворот е единствената соодветна мерка за непречено водење на кривичната постапка“ против студентот Богдан Јовичиќ.

Богдан Јовичиќ, студент на Природно-математичкиот факултет во Нови Сад, е обвинет од обвинителството за насилно однесување за време на протестот во Нови Сад во август.

Јовичиќ започна штрајк со глад на 12 септември, откако неговиот притвор беше продолжен за уште 30 дена. Неколку дена подоцна беше префрлен во атворската болница во Белград.

Управата за извршување на кривични санкции објави на 19 септември дека студентот Богдан Јовичиќ, кој штрајкува со глад веќе една недела, е во „добра општа состојба“.

Додека беше во притвор, таткото на Јовичиќ починал, а тој бил однесен на погребот со врзани нозе.

Снимките од погребот објавени на социјалните мрежи, на кои се гледа како студентот стои до ковчегот со врзани нозе, предизвикаа јавна осуда.

Уапсениот студент Богдан донесен на погребот на својот татко со лисици на нозете