Балканистика е четиригодишна студиска програма, отворена на Универзитетот во Приштина во 2022 година, со цел, меѓу другото, да ја промовира меѓујазичната и меѓукултурната комуникација во Косово и регионот на Западен Балкан.

Една од студентите која ја студира албанологијата е Сузана Мариќ од Нови Сад, која пред шест месеци решила да се пресели во Приштина, Косово и да се запише на балканските студии на Филолошкиот факултет.

Сузана за прв пат дојде во Косово во 2019 година, преку мултиетнички камп организиран од граѓанскиот сектор, каде што ја запозна Пранвера, која сега е нејзина најдобра пријателка.

Таа вели дека тогаш не знаела многу за Косово, но, како што вели, верувала дека „тоа не е толку страшно како што се прикажува во медиумите (во Србија)“.

„Откако дојдов за првпат на Косово, кога имав многу убаво искуство, продолжив да доаѓам, бидејќи стекнав пријатели, Пранвера. Преку неа запознав други пријатели. Доаѓав на секои три месеци“, вели Сузана.

Таа нагласува дека е среќна што нејзината прва посета на Косово била преку програма на граѓанскиот сектор и што била дел од мултиетнички камп и имала можност да ја запознае „другата страна на Косово“.

Изучување на јазикот до толеранција

Косовското општество е поделено по воените настани од 90-тите, додека Приштина и Белград развиваат дијалог за нормализација на односите повеќе од десет години.

Сузана Мариќ смета дека учењето јазици ќе им помогне на младите од српската и албанската заедница да ги надминат пречките што стојат меѓу нив.

„Преку јазикот ги учиме традициите, културата, обичаите и ги запознаваме ставовите. Можеме да научиме многу повеќе ако го зборуваме јазикот на нашите соседи“, вели Сузана.

Вереникот на Сузана, кого го запознала во Хрватска, е Албанец од Косово. Насмеана вели дека нејзиниот вереник Гент поради неа се вратил на Косово, откако решила овде да студира балкански студии.