Студентите кои учествуваат во блокадата на факултетите во Србија потврдија дека на 1 септември ќе се приклучат на големиот протест на средношколците, кој е најавен пред неколку дена. Информацијата беше објавена на официјалниот профил на студентската блокада на социјалните мрежи.

Средношколците од различни градови најавија дека на првиот училишен ден ќе одржат комеморативна прошетка под мотото „Средношколците се сеќаваат – сите сме под иста настрешница“, со што ќе одбележат 10 месеци од падот на настрешницата. Во некои училишта, директорите беа замолени тој ден да биде ненаставен, освен за прием на нови ученици.

 

View this post on Instagram

 

A post shared by Samoorganizovana grupa studenata – Blokada (@studenti_u_blokadi)

„Нема да заборавиме. Се гледаме“, порачаа средношколците преку Инстаграм, потврдувајќи го своето учество, пишува Нова.рс.

Покрај тоа, просветните работници кои ги поддржуваат учениците најавија излегување на улиците и штрајк за подобрување на нивните права во Србија, истакнувајќи дека ќе се приклучат на протестот на 1 септември.