Во вториот натпревар од полуфиналето во Купот на ОФМ во Радовиш одбојкарите на Струмица триумфираа над Борец со 3:0.

Во првиот сет Струмица беше најубедлива освојувајќи со 25:13, а следните два со ист резултат 25:18.

Велешани беа мотивирани и се обидоа да се заканат во неколку наврати, но искуството и стабилната игра на фаворитот беше тешко да се наруши.

Финалистите годинава ќе имаат променети улоги, односно Штип Угд ќе биде бранител на титулата, додека Струмица 47&72 ќе се обиде да го врати куп пехарот во своите витрини.

Машкото финале во Купот на ОФМ 2025 ќе се игра в сабота (5 април) од 19.00 часот, во салата „25. Мај“ во Радовиш.