Туристичкиот брод “Aqua Marine” горел утрово, блиску до бреговите на Карабурун на југот од Албанија. Топ Чанел објави фотографии и видео од бродот во пламен, страшен настан во кој за среќа нема повредени лица.

Пожарот во бродот избувнал во 4 часот утрово, а постојат сомнежи дека причина се моторите, а потоа бил зафатен целиот брод.

Екипажот, сочинет од шест членови кои биле на бродот, кои спиеле во моментот на избувнувањето на пожарот, за среќа успеале да се спасат скокајќи во морето. Туристичкиот брод се движел во линијата Валона-Карабурун.