Српската водителка Сузана Манчиќ (67), најпознатата лото девојка во поранешна Југославија, проговори за тоа колку пензија добива по 50 години кариера. Манчиќ од минатата година и официјално е во пензија, а сега ги откри и месечните примања.

– Понекогаш имаш пари за да си дозволиш нешто што сакаш, но и немањето не е страшно. Најстрашно е кога немаш за лекови, за основни работи, но му благодарам на Господ, пензијата пристигнува. Открив колку ми е пензијата, па порталите се „запалија“ како „Скандал: Koлку е мала пензијата на Сузана Манчиќ, 53.000“. Па луѓето живеат од таква пензија – рекла Сузана за „Гранд“ и додала дека парите што ги заработувала секогаш ги трошела рационално.

Таа истакнала дека е горда на сето она што го постигнала за 50 години работа и дека од сè што заработувала, половина трошела а половина ставала на страна. Затоа и во животот најмногу добивала.

– Од таа пензија можеш да живееш, особено ако работиш и нешто друго – вели Манчиќ.

Инаку, 53.000 динари се околу 450 евра.

Водителката открила и како го замислува крајот на својата долга кариера.

„Да се ​​има толку долга кариера, а воопшто недефинирана, е нешто со што се гордеам. Почнав со музика, па со телевизија, па се случи „Лото“. Па, имаше пауза неколку години. Но, би сакала да ја завршам кариерата со убава песна. Дома имам добар текстописец, а тоа е ќерка ми Теодора која ми вели дека морам емотивно да се ангажирам. Работиме на тоа – признала Сузана за „Гранд“.

ФОТО | Сузана Манчиќ откри која пејачка прва вградила силикони на територијата на поранешна Југославија

ФОТО | Сузана Манчиќ со рани на очите: Водителката објави фотографија по операцијата