Се интензивира протестот на граѓаните кои бараат решение за Вардариште.

Од Иницијативата „Стоп за Вардариште“ на Фејсбук објавија дека денеска од 15 до 18 часот ќе протестираат и ќе го блокираат мостот „Близнак“, помеѓу општините Аеродром и Гази Баба.

„Поради игнорантскиот однос на институциите, протестите се интензивираат!“ порачаа од Иницијативата.

Жителите на Аеродром, Ново Лисиче, но и на дел од околните населби ги организираат протестите поради миризбата и загадениот воздух кои доаѓаат од дивата депонија. Протестот беше инициран од последниот инцидент кога поради поажарот на Вардариште повеќе населби останаа без струја, а миризбата и лошиот воздух се чувстуваат со денови.