В четврток ќе продолжат возбудувањата од второто по квалитет европско клупско натпреварување, а УЕФА веќе ги објави имињата на судиите кои ќе делат правда на натпреварите од четвртото коло.

Во групата „Х“ Вест Хем е на првото место со максимални девет бодови, а по три имаат Динамо Загреб, Рапид Виена и Генк.

Од 18.45 часот во Белгија составот на Генк е домаќин на Вест Хем и овој меч ќе го суди Александар Ставрев од Македонија.

На Ставрев помошници ќе бидат Дејан Костадинов и Куштрим Лика, а четврти судија е Дејан Јакимовски.

За нашиот арбитар ова е втор меч од ЛЕ во кој ќе суди, претходно беше дел од мечот од групата „А“ помеѓу Брондби – Спарта Прага (0:0).

Во групата „Д“ Антверп ќе го пречека Фенербахче, а УЕФА делегат на овој натпревар е Васко Дојчиновски.