Стано: Земјите кандидати за ЕУ да се усогласат за санкциите кон Белорусија
Одговарајќи на новинарско прашање, портпаролот за надворешни работи на ЕУ, Петер Стано, потврди дека земјите кандидати за членство ќе треба да се усогласат со позицијата на ЕУ за санкции против Белорусија, јави дописничката на МИА од Брисел.
– Усогласувањето со надворешната политика на ЕУ е една од обврските на земјите кандидати и тие тоа го знаат, рече Стано на прашање за можни идни санкции против одговорните лица за репресијата во Белорусија.
Европската Унија подготвува листа на таргетирани санкции против оние лица за кои ќе има докази дека се инволвирани или одговорни за насилството врз демонстрантите во Белорусија како и за изборните фалсификати.
Стано потврди дека таргетирани санкции против лица од белорускиот режим е прашање на време.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот