Македонската таеквондистка Мила Рељиќ освои нов медал од меѓународните натпреварувања откако освои сребрен медал на Балкан Г1 Куп во Сараево, Босна и Херцеговина.

Нашата натпреварувачка како прва носителка беше слободна во првото коло, потоа извојува победа над Хрватката Леа Спехар со 2:1 во рунди.

Во полуфиналето Рељиќ триумираше со 2:0 во рунди над Норвежанката Каролине Гјелсвик, а во финалето и покрај одличната борба, Надја Савковиќ од Србија издвојува победа.

Со ова македонската таеквондистка ја продолжува низата на освојување на Г1 медали кои ѝ носат поени за олимписка норма за Париз 2024.

Претходно годинава Рељиќ стигна до сребрен медал и на Талин Г1 Опен, беше третопласирана на отвореното првенство во Турција од Г2 ранкингот на светската таеквондо федерација. Петтопласирана на Европските игри во Полска, имаше бронза на Европското клупско првенство во Софија, а златен медал на Скопје Рамус Г1 Опен меѓународниот натпревар.