Маж загинал, а уште еден бил тешко повреден во четвртокот, при монтирање опрема за лунапарк во Бачко Петрово Село во Србија, објави српски Курир.

Забавните паркови треба да ги контролираат локалните инспекции, се вели во објавата на Курир. Сопствениците мора да обезбедат дозволи од локалните власти, а инспекцијата може да провери дали се исполнети условите за работа на лунапарковите. Исправноста на справите треба да се проверува пред почетокот на работата, но и за време на сезоната преку инспекциски прегледи.

Јавниот обвинител Ѓорѓе Јовичиќ во писмен одговор навел дека е извршен увид и дека на местото излегол и инспектор за труд кој презел мерки од својата надлежност.

Со одобрение од обвинителот е приведен сопственикот на лунапаркот.