Претседателот на Србија, Александар Вучиќ потврди дека руската вакцина веќе пристигна. Тој вечерва во интервју за РТС, потврди дека следуваат испитувања.

„Стигнаа 20 дози од руската вакцина, и нашите стручњаци во следните неколку дена ќе прават испитувања“, рече Вучиќ.

Претседателот, сепак изрази надеж дека Србија сепак до крајот на годината ќе добие и од вакцината на „Фајзер“. а до март ќе стасаат уште 350 илјади вакцини.

Велика Британија денес ја доби првата пратка со вакцина против коронавирус од производителот „Фајзер“. Првите 800.000 дози ќе бидат достапни во Велика Британија уште од наредната недела, а нарачани се 40 милиони дози кои се смета дека ќе бидат доволни за вакцинирање на 20 милиони луѓе.