Главниот координатор на вакциналниот пункт на Белградскиот саем, Зоран Бекиќ, денес изјави дека се плаши оти наскоро во Србија ќе има над 1000 заразени од коронавирус дневно.

„Мораме да размислиме за воведување порадикални потези, ако веќе не можеме да сториме ништо со апели. Нема компромис кога станува збор за јавното здравје“, изјави тој на ТВ Пинк, пренесува Блиц.

Бекиќ рече дека кај помладата популација меѓу 18 и 39 години вакцинирани се само 18 отсто што не е доволно. Исто така, тој нагласи дека е неприфатливо здравствените работници да одбиваат да се вакциниираат.

„Треба да се воведе задолжителна вакцинација на здравствените работници и на одредени возрасни групи“, оцени тој.