На прволигашкиот натпревар одигран во Тетово без голови (0:0) ремизираа екипите на Шкендија и новиот шампион Шкупи. Тетовските „црвено-црни“ имаа шанса во финишот да дојдат до победата, но Дориев не реализираше пенал.

Фудбалот како да беше во втор план и пред самиот старт на овој меч кој требаше да биде едно вистинско дерби меѓу екс и сегашен првак. Наместо да уживаме во фудбалската игра, видовме срамни сцени кои не му доликуваат на спортот воопшто.

Прво беше објавена информацијата дека не им беше дозволено на навивачи на Шкупи да отпатуваат за Тетово да ги бодрат играчите на ФК Шкупи, а потоа пред самиот влез на стадионот беа нападнати играчите на Гоце Седлоски.

Продолжија инцидентите и во текот на натпреварот, од трибините беа фрлени тоалетни хартии и беше употребен огномет, што не е нешто чудно во фудбалскиот свет, но секако доведува до прекин на мечот.

Потоа, односно на таргет беа играчите на Шкупи, пред самиот крај на првото полувреме летаа камења кон гостинските фудбалери, а еден од нив беше погоден во главата, станува збор за Ардит Иљази.

Потоа, со тврд предмет беше удрен еден од помошниците на главниот судија Александар Ставрев. Тоа доведе до мешаница на теренот, во судир влегоа и двата тима.

Во центарот на вниманието се најдоа особено Данфа кај Шкупи и Бејтулаи кај Шкендија, а ситуацијата мораа да ја смируваат двајцата тренери Седлоски и Артим Шаќири.

Дојде до прекин, имаше дури 15 минути судиско надополнување, а во тој период пукна уште еден срам. Имаше и расизам од трибините, домашните навивачи испуштаа мајмунски звуци упатени кон нигерискиот фудбалер на Шкупи, Адетунџи.

Mkd league pic.twitter.com/uHCkvFLBuS

— Sport 88 (@FidanFidanmk) May 8, 2022

1МФЛ: Европско лето за Академија Пандев по триумфот над Работнички