Виенската шницла (Wiener schnitzel) попозната меѓу народот како „бечка“ шницла, е традиционално австриско и германско јадење. На почетокот се приготвувало од свинско месо, а подоцна само од телешка кртина, која потоа се пржи во јајце и презла.

Со векови се води дебата за потеклото на виенската шницла, но сигурно е дека била главен дел од оброците во дворот на Хабсбурзите во 15. век.

Иако веруваме дека секој знае како да ја приготви, да се потсетиме на традиционалниот рецепт и заедно да ја усовршиме техниката.

Состојки:

– 600 грама телешка кртина (шницлите се толчат до листови од 0,5 см)
– 30 грама брашно
– 2 јајца
– 75 грама лебни трошки
– масло за пржење
– сол
– лимон за декорација

Подготовка:

Подгответе три плитки садови. Во првата ставете го брашното помешано со половина лажичка сол, во другиот сад ставете ги лебните трошки, а во третиот – изматените јајца.

Земајте една по една шницла, прво „извалкајте“ ги во брашното, потоа во јајцата и на крајот во лебните трошки.

На добро загреано масло во тавата ставете ги шницлите (ставете онолку колку собираат во тавата без да се преклопат). Пржете неколку минути од едната страна, па од другата страна подеднакво исто додека добијат речиси жолтеникаво-златеста боја. Доколку шницлата се залепи за тавата, внимателно одлепете ја со помош на вилушка.

Пржените шницли извадете ги од тавата, оставете ги да се исцедат од вишокот маснотија на парче кујнска хартија и сервирајте ги со на кругови исечен лимон, салата или пире од компири или зелена салата.