Огледалата не се само исклучително корисни во домот, туку влијаат и на осветлувањето на просторијата, правејќи ја поголема и посветла.

Меѓутоа, дали знаете дека поставувањето на огледала во спалната соба според фенг шуи може да има и негативни ефекти.

Иако многумина ги поседуваат во своите спални соби, некои застапници на филозофијата на фенг шуи веруваат дека огледалата треба да се избегнуваат во оваа просторија.

Во различни училишта на фенг шуи, често се дебатира за тоа дали на огледалото воопшто има место во спалната соба. За среќа, повеќето велат дека не се целосно забранети сè додека правилно ги поставите во просторот.

За да создадете добра енергија и да си обезбедите помирен сон, постојат три правила, односно три начини, каде и како да го поставите огледалото.

Користете ги огледалата за да ја рефлектирате позитивната енергија. Огледалото се смета за моќна алатка во фенг шуи, бидејќи треба да ја поттикнува и умножува енергијата на просторијата. На пример, ако огледалото рефлектира неред, тоа може да ја умножи негативната енергија. Слично, огледалото што одразува позитивна енергија може да ја зголеми вашата среќа, напредок и благосостојба.

Поставете го огледалото во спалната соба, така што ќе ги одразува елементите и материјалите како што се дрвото и живите растенија. На овој начин, ќе ги зголемите шансите за личен раст и добри односи.

Користете огледала за да ја „поправите“ положбата на креветот. Во спалната, поставеноста на креветот е особено важна, според фенг шуи – во однос одморот и релаксирањето. Поставете го леглото во центарот на просторијата, и ако е можно – прилепен до потпорниот ѕид.

Ако, сепак, тоа не е можно, огледалото може да ја поправи таа состојба.

Користете огледала за да ги насочите елементите на фенг шуи. Самото огледало е поврзано со елементот „вода“, но може да се додадат и други фенг шуи елементи во собата – со користење различни облици на рамка. Заоблените форми, на пр., претставуваат јасност на мислата и среќата. Натаму, квадратите и правоаголниците го истакнуваат елементот за самопомош, а триаголните огледала, иако малку поретки, можат да додадат друг поглед на просторијата, а го олицетворуваат огнениот елемент за инспирација и страст.

Кои се местата во спалната соба каде што не се препорачуваат огледала?

Фенг шуи филозофијата вели дека поради неговите моќни својства, треба да се биде внимателен со огледалото во спалната соба. Всушност, некои познавачи веруваат дека тоа е поврзано и со кревкиот сон и со кошмарите.

Така, огледалото, обично, не се поставува спроти креветот, но ниту на таванот над креветот, за да не ви го наруши сонот.

Покрај тоа, исклучително важно е да се избегнуваат скршени или напукнати стакла. Се вели и дека скршените, непоправени предмети придонесуваат за негативна енергија, па и дека ја блокираат позитивната енергија во просторијата.