Дали ова ви личи на традиционална празнична торта? Нели наликува на традиционалната мисирка што се прави за Денот на благодарноста?

Епа 49-годишната слаткарка Сара Харди од Англија, си дала нова задача – да направи торта која ќе бидете убедени дека личи на празничната мисирка што ја прават луѓето кои го прославуваат Денот на благодарноста.

Откако го поставила видеото од својата креација на Инстаграм, многумина биле во шок кога сфатиле дека не станува збор за обична мисирка, туку највкусната торта на светот.

На некои луѓе пак, тоа им било одвратно и коментирале дека „никогаш не би пробале слатка мисирка“.

„Скоро 90% од луѓето мислат дека тортата е одвратна, а ова е прв пат да снимам нешто за јавноста. Важно ми беше луѓето да ја забележат иако не беше наменето за секој. Тортата е со цитрусен вкус, а марципанот е повкусен отколку што изгледа“, изјавила таа.