Спас за загадената планета: Научниците создадоа пластика која целосно се раствора во морска вода
Меѓународен тим предводен од јапонскиот истражувач Аидо Такузо од Институтот за физички и хемиски истражувања „РИКЕН“ (RIKEN) објави дека успеал да развие нов вид пластика која е издржлива, но биоразградлива во морската вода и не формира микропластика, пренесува јапонскиот медиумски сервис „NHK“.
Препорачано
Според истражувачите, новиот тип на пластика, кој може да се рециклира, ќе помогне да се намали загадувањето на животната средина и акумулацијата на микропластика во океаните.
Тим од научници развива материјал кој ќе ја замени конвенционалната пластика добиена од фосилни горива. Истражувачите, кои ги објавија своите наоди во американското списание „Саенс“ (Science), објаснуваат дека пронашле нов вид пластика која е безбојна и проѕирна и има иста сила и отпорност на топлина како полипропиленот.
Сега, по долгогодишно тестирање, беше откриено дека новата верзија на ЦДА е најбрзо разградувачкиот биопластичен материјал тестиран во морска вода – и тоа е ветувачка замена за други материјали од традиционална пластика или пена, како што е стиропорот, кој може да остане во животната средина многу години. Во новиот труд објавен во „ACS Sustainable Chemistry & Engineering“, научниците од „Вуд хол“, Брајан Џејмс, Колин Вард, Крис Реди, Јанчен Сан и Кали Пејт, открија дека додавањето мали пори на ЦДА, материјалот го прави да се деградира 15 пати побрзо отколку солидна ЦДА, па дури и побрзо од хартија.
Новиот материјал се нарекува супрамолекуларна пластика – „полимери со структура што се држи заедно со потенцијално реверзибилни интеракции“, а научниците веруваат дека ќе има различни примени.
Микропластиката стана голем проблем кога станува збор за зачувување на планетата, но и за зачувување на здравјето на луѓето, бидејќи научниците открија дека таа навлегла и во нашиот мозок и во другите внатрешни органи.
