Македонскиот репрезентативец Томислав Јагуриновски го повреди скочниот зглоб во текот на првото полувреме и мораше предвреме да го заврши натпреварот против Норвешка (27:39).

Информациите велат дека нашиот десен бек има посериозна повреда поради која ќе го пропушти утрешниот меч против Холандија (18.00 часот) во Таурон арената во Краков.

На местото на Јагуриновски е повикан играчот на РК Вардар 1961, Давид Савревски.

Савревски инаку заедно со Цветан Кузмановски и Марко Кизиќ не се најдоа во конечниот список на патници за настапот на СП, но како замени ќе бидат во составот на Кирил Лазаров доколку е потребно.

Нашата селекција убедливо загуби од Норвежаните, кои се фаворити за висок пласман на Мундијалот, но има уште две шанси за да се пласира во главната рунда.