Во вторник и среда ќе се играат натпреварите на Светското првенство во Катар, денеска од 20.00 часот ќе играат Хрватска и Аргентина, а утре во истиот термин се среќаваат Мароко и Франција.

Според обложувалниците, според кои главен фаворит до сега беше Бразил, сега најголеми шанси им се даваат на француските репрезентавци, кои се актуелни светски шампиони.

„Скај Бет“ прогнозира дека Аргентина ќе биде второпласирана на СП во Катар, трета Хрватска, а Мароко на четвртата позиција.

– Убавината на Светското првенство е во тоа што секој има шанса да победи и ништо не е невозможно. Историјата на Светските првенства нè научи дека ништо не е невозможно и дека понекогаш најневеројатниот тим одеднаш добива голема шанса да напредува. Актуелниот носител на титулата на Светското првенство е Франција. Нивната мотивација очигледно е да ја задржат титулата и да ја одбранат својата позиција. Со глобалната суперѕвезда Лионел Меси, Аргентинците имаат добри шанси да одат до крај – ни изјави македонскиот фудбалски тренер Жикица Тасевски.

Репрезентациите на Франција и Аргентина по двапати ја освојуваа светската титула.

Далиќ на „слатки маки“: Дали ова е можниот состав со кој ќе истрча Хрватска против Аргентина?