Советот за безбедност на Обединетите нации денеска ќе расправа за новиот шестмесечен извештај на генералниот секретар на ОН Антонио Гутереш за работата на Мисијата на ОН на Косово (УНМИК), а Србија на седницата ќе ја претставува министерот за надворешни работи Ивица Дачиќ, јавува РТС.

Во извештајот што ги опфаќа активностите на УНМИК и развојот на настаните од 16 септември 2022 година до 18 март 2023 година, Гутереш го поздрави договорот за патоказот кон нормализација на односите меѓу Белград и Приштина и Анексот за негово спроведување со посредство на Европската Унија.

Детално беа опишани настаните од ноември минатата година, кога Србите ги напуштија институциите на Приштина, како и се што се случи потоа.

Министерот за надворешни работи на Србија, Ивица Дачиќ, за време на посетата на САД, се сретна со постојаниот претставник на САД во ОН, Линда Томас-Гринфилд.

Последната седница на Советот за безбедност на ОН за работата на мисијата на УНМИК се одржа во октомври минатата година.