Координаторот на советничката група на ДУИ во советот на Општина Тетово Лиридон Диша, на денешната седница, каде советниците имаа можност да поставуваат советнички прашања, истакна дека градоначалникот Касами не ги исполнил предизборните ветувања, а се фали со проекти кои ги наследил од претходната локална самоуправа. На денешната седница наместо конкретни одговори од надлежните добивавме општи фрази, со кои вината за лошата состојба на општината се префрла на друго место, дополни Диша.

„Ние како советничка група на оваа седница побаравме да одговори градоначалникот за неодржување на изборните ветувања, транспарентноста за договори на дело и за буџетот, за инфраструктурни проблеми за проблемите со ЈКП Тетово, за лошото менаџирање на претпријатието. Две години откако Касами ја води општината тој не само што не ги исполнил ветувањата, тука ја претворил општината во штаб на движењето БЕСА, полнејќи ја со партиски милитанти. Капитални инвестиции нема, а обидите да се извлече Касами со претходните проекти кои ги наследи, докажува дека Касами нема визија да го гради Тетово, туку напротив го трансформира Тетово во финансиски извор на интересни групи блиски до БЕСА. Ние прашуваме, а одговорите се дека ние сме ја нашле таква општината, немаме средства и велат постојано ќе се зборуваше за идно време“, рече Лиридон Диша координатор на советничката група на ДУИ.

Касами вели дека општината ја претворил во големо градилиште со многу проекти. Можело уште повеќе, но како што посочи, општината била блокирана од централните власти за долг кој е направен од претходната општинска власт.

„Самата Управа за јавни приходи најмалку 20 години ги трпи претходните градоначалници на Тетово кои го зголемуваа долгот кон управата и кога доаѓаме ние на власт не блокираат за долг кој е создаден претходно, со тоа што ниту еден цент не е создаден од наша страна оти секоја фактурира од граѓаните се наплаќа, тука мислам на фактурите на граѓаните кои плаќаат обврски кон ЈКП Тетово. Не сме ние криви самата управа е виновна што дозволила да се наталожи долгот.И сега сето ова го користат да кажат дека не работиме, а граѓаните се свесни дека Тетово стана градилиште, се градат булевари, канализација и слично. Се работи за локална власт и граѓаните се свесни што е променето.Тие очекувале мислам на ДУИ долгот да стигне до 30 милиони евра, но ова не е ДУИ, ова е БЕСА, ова не е Арифи, туку е Касами, ние ќе реализираме проекти за подобрување на животот на граѓаните и тој долг ќе се намали, а тој изнесува околу 20 милиони евра. Но, општината сè уште е со блокрана сметка, судот не наоѓа за сходно да ја одблокира сметката за да реализираме проекти,“ рече Касами.

Ова е прва седница на Советот на Општина Тетово, на која советниците поставуваат советнички прашања, а надлежните одговараа.