Михаел Шумахер се наоѓа во свесна состојба откако во понеделникот беше примен во париската болница „Жорж Помпиду“ на лечење со матични клетки. Седумкратниот Формула 1 шампион е донесен во париската болница поради трансфузија на матични клетки кои го намалуваат воспалението.

Оваа вест за „Ле Паризиен“ ја откри неименувана медицинска сестра.
„Да, задолжена сум за Шумахер, а бидете сигурни дека тој се наоѓа во свесна состојба“, изјави медицинската сестра.

Михаел Шумахер по несреќата во 2013 година на скијање беше ставен во вештачка кома, додека од септември 2014 година се лечи во својот дом во Лозана. Исто така „Ле Паризиен“ тврди дека Михаел Шумахер претходно два пати бил примен во болницата „Жорж Помпиду“, и тоа под друго име.