Врската помеѓу актерката Софија Вергара (52) и возачот на Формула 1 Луис Хамилтон, кој е 12 години помлад од неа, за која се шпекулира веќе извесно време, наводно завршила, пренесува „Дејли мејл“.

Хамилтон и Вергара беа видени заедно во јануари, што предизвика гласини дека се во врска. Сепак, според светските медиуми тие сега се разделиле. Извор близок до парот открил дека славната актерка е подготвена дополнително да ја развива врската со Хамилтон, сметајќи го за „совршено момче и вистински избор“. Но, според изворите, интересот на поранешниот светски шампион во Ф1 брзо исчезнал, поради што Вергара се чувствува „напуштено“.

Во јануари „ТМЗ“ објави нивни заеднички фотографии пред ресторан во Њујорк, како насмеани разговарале пред таа да влезе во својот автомобил и да замине.

Подоцна, извори блиски до нив изјавиле дека за време на ручекот Софија и Луис „изгледале маѓепсано и цело време се смешкале еден на друг“.

Инаку, во октомври 2023 година, Софија се разведе од Џо Манганиело, со кого беше во брак седум години. Три месеци по разводот почнаа да кружат гласини за нејзината врска со докторот Џастин Салиман. Неколку пати се видени заедно, а Софија во неколку наврати објавуваше негова фотографија на Инстаграм.

Но, на крајот на октомври 2024 година, таа откри дека повеќе не се заедно, но не ги откри деталите за нивното раскинување.

Хамилтон претходно беше во врска со пејачката Никол Шерцингер, но раскинаа во 2016. Покрај тоа, тој беше поврзуван со бројни познати личности, меѓу кои и моделот Џиџи Хадид и пејачките Ријана и Шакира.